LAOAG CITY – Kampante ni Defense Sec. Gilberto Teodoro Jr. a tungpalen ti Estados Unidos ti inkarina iti Pilipinas iti oras a makapasar ti pagilian ti nakaro a krisis iti sitwasion idiay West Philippine Sea.
Segun ken ni Teodoro, matungpal laeng daytoy no awan ti agbaliw iti kari ti Estados Unidos a tulunganna ti Pilipinas agingga a saanna a maamamyendaran ti United Nations Convention on the Law of the Sea (UNLCOS).
Idi nasaludsod daytoy no saan kadi a maliklikan ti komprontasion ti Pilipinas ken ti China a mabalin a mangitunda ti panagaramat ti armas, mamati ni Teodoro a saan daytoy a palubosan a mapasamak ti Pilipinas ken kasta met dagiti kaalyadona a pagilian.
Kabayatanna, dinakamat ni Teodoro dagiti rakurakna kageddan ti maika-10 a tawen ti pannakangabak ti Pilipinas iti Permanent Court of Arbitration kontra iti China maipanggep iti pagininnagawan a teritorio iti West Philippine Sea.












