Manarinaan ti panang-validate ti lokal a gobierno iti ili ti Badoc kadagiti dadduma pay a mabalin a pagalaan ti danum dagiti mannalon iti panawen ti El Niño.
Basar iti lokal a gobierno, mapan agsursursur dagiti maseknan nga ahensya ti gobierno iti nagduduma a barangay ken kasarita da dagiti mannalon tapno maamoan dagiti lugar ken matulungan da dagitoy.
Iti agdama, mannarimaan ti pannakainstolar ti maysa a solar-powered water pump iti Brgy. Parang ken manamnama nga adda pay ti maipaay met iti sabali a barangay.
Mamati ti lokal a gobierno a dakkel a tulong ti solar-powered water pump para kadagiti mannalon, aglalo ket nangina ti bayad ti krudo ken kuryente.
