Naalan ti 5,800 nga agrarian reform beneficiaries ti naan-anay a panagtagikua dagiti daga da iti rehion ti Caraga.
Basar iti Department of Agrarian Reform (DAR), umabot iti10,777.9566 nga ektaria ti pakabuklan a kalawa dagiti daga a sakup dagiti naibunong a titulo.
Inpaima dagiti titulo iti babaen ti Support Parzelization of Lands for individual Titling Project ti Department of Agrarian Reform (DAR).
Nakairekord pay iti titulo ti Certificates of Land Ownership Award (CLOAs) a nakairekord pay iti electronic titles (e-titles) tapno maipaayan dagiti mannalon ti nalawag ken nabayag a panagtagikua dagiti daga da.
Kagiddan pay ti SPLIT rollout, nangipaay pay ti Deparment of Agrarian Reform (DAR) ti regular Land Acquisition and Distribution (LAD) titles nga addaan ti pakabuklan a kalawa a 420.4129 para iti 307 a benepisiario kadagiti mannalon iti Agusan del Norte, Agusan del Sur ken Surigao del Sur.
Nupay kasta, tapno ad-adda a mabenipisiaran dagiti mannalon ti titulo ti daga da, nangipaay pay ti ahensia ti P2.443 million a gatad ti makina iti panagtalon, dagiti ramit ken livelihood packages iti innem nga ARB organization a mangibagbagi ti 542 a mannalon iti babaen ti Climate-Resilient Farm Productivity Support Project.
