Nangipila ti Senate Resolution No. 765 dagiti senador nga agpanpanawagan ken ni Presidente Ferdinand Marcos Jr. nga ideklarar ti State of Calamity wenno State of Imminent Disaster kadagiti lugar nga apektado wenno adda iti risgo a maapektaran ti El Niño.
Karaman kadagiti ilunglungalong nga addang ket ti panangipatungpal ti price control, pananglapped iti hoarding ken profiteering, rehabilitasion ti pampubliko a pasilidad ken panangipaay ti pinansial a tulong kadagiti sektor a maapektaran.
Inpetteng pay ti resolusion ti akem ti gobierno a protehiran ti umili, partikular dagiti mannalon ken komunidad a possible a makapasar ti nakaro nga epekto ti tikag.
