Umaboten iti 114 dagiti Universal Health Care – Integration Sites (UHC-IS) iti intero a pagilian ita a tawen, nangatngato daytoy kumparar iti 58 idi 2020. Sakupenna daytoy iti 95% ti pakabuklan a bilang dagiti probinsia, highly urbanized cities, ken independent component cities.
Iti babaen ti Universal Health Care – Integration Sites (UHC-IS) , pagkaykayasaen ti nagduduma a pasilidad kas dagiti health center ken ospital tapno aramiden a naalalisto, naururnos ken nalaka ti panangipatulod ti medical a serbisio iti tunggal umili.
Inpetteng ni Department of Health Secretary Edwin Mercado ti napateg a papel dagiti Local Government Unit (LGU) iti panangidaulo ken panagdesision no kasano ad-adda a mapapigsa ti primary care iti bukod a sakupda.
Malaksid iti daytoy, pagpokusan pay ti PhilHealth, World Health Organization (WHO), ken Union of Local Authorities of the Philippines (ULAP) ti panangpatibker ti devolved health care.
Itandudo pay daytoy nga affang ti ad-adda a natibker a local health system iti babaen ti primary healthcare, preventive care, naurnos a referral networks, ken ad-adda a pinaimbag a panangidaulo kadagiti pasilidad.
Agtultuloy ti panangilungalong ti Universal Health Care iti babaen ti panagkaykaysaen a panagtignay para iti maysa nga ad-adda a responsive ken natibker a sistema ti pangsalun-at para kadagiti Pilipino.
