LAOAG CITY – Inpublikar ti Department of Health (DOH) a dagiti vapes ket addaan ti formaldehyde a masansan a maususar iti panagbalsamar.
Iti maysa a panagballaag iti social media page ti departamento, inbatad ti Department of Health a ti formaldehyde ket narisgo iti salun-at iti tao gapu iti mabalin a sakit nga ipaayna iti karabukob, agung ken mata.
Malaksid iti daytoy, naduktalan pay a ti formaldehyde ket mabalin a mangitunda iti kanser.
Innayon pay ti departamento a saan laeng a ti formaldehyde ti makita iti vape, no diketdi dagiti pay naririsgo a kemikal kas iti diacetyl, acrolein, cadmium ken dadduma pay.
Kabayatanna, kageddan daytoy, nagpanawagan ti Department of Health a suportaran ti buwis a mangprotprotehir iti salun-at dagiti Pilipino.
