LAOAG CITY – Kalikagum ni Senator Erwin Tulfo ti naigiget a pannakaipatungpal ti transparency iti panagkoletar ti “bill deposits” manipud kadagiti konsyumer ti kuryente kabayatan ti pananggutigotna kadagiti power distribution utilities nga in-inot a mabayadan dagitoy a charges.
Kinuna ni Tulfo nga ado dagiti maipadpadanon kadakuada a dagitoy a masingsingir a charges ket nangatngato kumparar iti aktwal a kuryente a maususarda, no sadinno agpapan ita, ado dagiti konsyumer ti saanna pay a maawatan dagiti baybayadanda a nakaikabil iti bill-da.
Inbatadna a ti manamnama a mapasaran dagiti Pilipino a super El Niño ket makaapektar daytoy iti budget dagiti pamilya a Pilipino isut gapuna a gutgutigotenna ti konsiderasion ken liklikan dagiti kumpanya ti agsingir ti kanayunan a charge.
