LAOAG CITY – Nagpanawagan manen ni Senator Erwin Tulfo para iti panangipasa ti Media Workers’ Magna Carta kalpasan ti insidente a pammaltog iti Senado a nangted ti buteng ken trauma kadagiti journalists iti Upper Chamber.
Iti maysa a rakurak, inawagan ni Tulfo a ‘blatant disrespect’ ti sitwasion dagiti journalists no sadinno nga inaldawda a makapasar iti peggad uray kurangda iti benepisio ken seguridad iti trabaho.
Segun iti senador, napateg ti papel ti media iti panangibutaktak ti kinapudno aglalo kadagiti insidete mainaig iti kinaranggas ken panagsungbat dagiti otoridad.
Inpettengna a masapul a palubosan dagiti otoridad dagiti reporter ken cameramen nga ag-cover iti lugar ti insidente tapno agserbi kas dokumentasion iti nagbalin a tignay ti law enforcement.
Gapu iti daytoy, inpasa ti senador ti Senate Bil No. 249 wenno ti ‘Magna Carta for Workers in the Media and News Industry Act’, maysa a kangrunaan a priority measures iti Senado.
Gagem daytoy a siguradoen ti standardized minimum compensation, overtime pay, night shift differential, security of tenure, hazard allowance, ken insurance benefits para kadagiti media workers.
