Inpaganetget ni Konsehal John Michael Fariñas, chairman ti Solid Waste Management Committee ditoy ciudad ti Laoag ti kinapateg ti panagsagana iti baet ti kinabara ti panawen.
Daytoy ket paset ti panangsagana kadagiti possible nga agbalin nga epekto ti global warming ken iti panagbalbaliw ti paniempo.
Kuna na a masapol a nakasagana ti gobierno ken dagiti umili tapno al-alisto ti pannakasolbar dagiti agbalin a problema ken sitwasyon gapu iti nakaro a kinabara ti panawen.
Inbatad na nga agtataripnong da tapno mapagsasaritaan dagiti plano ken preparasion ti gobierno lokal ditoy ciudad tapno maprotehiran dagiti umili iti mabalin nga epekto ti Super El Niño.
