Impaigurado ni Defense Secretary Gilberto “Gibo” Teodoro Jr. nga ar-aramiden ti gobierno ti amin a kabaelanda tapno papigsaen ti depensa ti pagilain iti baet ti limitado a pondo.
Iti panagtalantan iti panagsagsagana ti Armed Forces of the Philippines (AFP) iti territorial defense, ipakaammo ni Teodoro ti 100 a porsiento nga accomplishment ti militar, ngem impettengna a saan a mapagtalinaed daytoy no awan ti umdas a reserba a ramit ken suplay para iti agtultuloy nga operasion.
Impetteng ti sekretario a kasapulan a maiyataday dagiti operasion a militar iti kabaelan ken mabalin a pagalaan ti pagilian tapno agtalinaed a sisasagana ti Armed Forces of the Philippines (AFP) nga isalakan ti teritorio ti Pilipinas.
Innayonna a napateg a pagtalinaeden ti umdas a reserba tapno masuportaran dagiti operasion ken agpaot ti kabaelan ti militar nga aramiden ti responsibilidad da.
