LAOAG CITY – Inpasigurado ti Armed Forces of the Philippines (AFP) a nakasagana dagiti miembroda no adda man kabaroan a serye ti gulo iti panagleppas ti eleksion iti Bangsamoro Autonomous Region in Muslim Mindanao wenno BARMM manipud kadagiti kandidato a saan nagballigi a makagun-od ti posision.
Maipalagip a nagbalin a nabara ti nagbalin a proseso ti eleksion a nakairekord ti sumagmamano a kaso ti pammaltog ken riot wenno gulo iti baet dagiti saan pay nabigbig a grupo.
Sumagmamano kadagiti nakairekord dagiti insidente ket iti Cotabato ken Maguindanao del Sur bayat nga agtultuloy ti pinagbotos idi kalman, Setiembre 14.
Nangitunda daytoy ti pangta iti biag ti sumagmamano a residente ken nadadael dagiti gamitda.
Basar ken ni Armed Forces of the Philippines Spokesperson Colonel. Francel Margareth Padilla nga agtultuloy ti pakikoordinarda kadagiti maseknan nga ahensia tapno maurnos a maipatungpal dagiti miembro nga umuna nga agresponde a mangsigurado ti kinatalged dagiti botante ken ti kinakappia ti eleksion ken proklamasion.
Kabayatanna, mainaig iti naduktalan a social media pages a maipagarup a mangiwarwaras ti fake news ti eleksion, inbatad ni Padilla nga agtultuloy ti panangimbestigar ken panangberipikar dagiti otoridad tapno malappedan ti panagwaras dagiti impormasion a mabalin a gapuanan ti kabaroan a gulo.
Ammoenda pay ti posibilidad nga adda foreign actors wenno dayuhan a grupo a nanggandat nga impluwensiaan ti sumagmamano a residente iti rehion tapno mangisayangkat dagiti addang nga mabalin a mangpakaro iti kasasaad.
Nagpanawagan pay ti pannakangiwat ti ahensia nga ammoen ken ipateg ti proseso ti eleksion tapno maisardengen ti tension ken gulo.
Nagyaman daytoy kadagiti residente nga inusarda ti karbenganda nga agbotos tapno maibotos ti umno a lider iti bukodda a suidad.
