LAOAG CITY – Nangisayangkat ti Armed Forces of the Philippines (AFP) ti routine maritime patrol iti asideg iti Bajo de Masinloc iti West Philippine Sea idi Oktubre 15 tapno mapagtalinaed ti presensia ti pagilian ken maprotehiran dagiti karbengan a pangbaybay daytoy.
Indauloan ti Northern Luzon Command ti operasuon usar ti BRP Miguel Malvar, kabinnulig ti maysa a Philippine Navy helicopter.
Paset pay ditoy ti maika-16 a Bilateral Maritime Cooperative Activity ti pagilian ken Estados Unidos, pakairamanan ti USS Warrior ken BRP Melchora Aquino ti Philippine Coast Guard.
Segun iti Armed Forces of the Philippines, gagem ti nadakamat a papigsaeb ti defense cooperation, maritime capabilities ken koordinasion ti dua a pagilian.
Malaksid iti daytoy, nangisayangkat pay dagiti nakipagpaset ti puersa ti passing honors ken photo exercise.
Nakita ti Philippine Navy ti dua a Chinese naval vessel ken maysa a China Coast Guard vessel nga asideg iti Bajo de Masinloc. Maysa a warship ti China ti immasideg iti BRP Miguel Malvar, idinto a maysa a Chinese military helicopter ti simmurot iti Philippine Navy aircraft.
Nupay kasta, inbatad ti Armed Forces of the Philippines nga awan naipakita a tignay ti kinaranggas ti warship ken awan bato nga estraktura ti nakita iti lugar.
