LAOAG CITY – Inpaganetget ni Laoag City Mayor James Bryan Alcid mainaig iti pannakaikabil ti solar lights iti paset ti Airport Road ditoy siudad.
Daytoy ket maysa kadagiti iyeb-ebkas dagiti motorista gapu iti kinasipnget iti lugar.
Inpakaamona ng addan panangipakaamo ti Department of Public Works and Highways – 1st District a ti pannakaikabil ti solar lights iti paset ti Airport Road kasapulan pay iti budget para iti tawen 2027 sakbay a maituloy ti nasao a proyekto.
Kunana a no man saan a makadanon ti tulong manipud regional government, nakasagana ti city government a mangipundar no kabaelan ti pondo
Inlawlawagna a maaramid dagiti trabaho iti in-inot wenno “section by section” kas iti panangpasilawda iti Bypass Bridge, maysa a lugar a namin-adu a daras a mairekreklamo gapu iti kinasipngetna
Malaksid iti daytoy, inbatadna a mainaig iti road widening, awan pay plano ti city government a mangipatungpal ti road widening iti nadakamat a lugar.
Nupay kasta, kuna ni Mayor Alcid a ti Department of Public Works and Highways – 1st District iti mangipatungpal ti road widening ken masapul nga umuna a maurnos dagiti banag a mainaig iti road right of way.
