LAOAG CITY – Inpakaammo ni Laoag City Mayor James Bryan Alcid nga adda dagiti baro a traffic lights ken solar lights a maiyinstolar ditoy siudad ti Laoag.
Kunana nga adda ti dua a traffic lights a sumangpet ken maikabil daytoy iti paset ti Gen. Segundo Ave. wenno P. Gomez ken Gen. Segundo Ave. wenno Castro Ave.
Inbatadanna a daytoy a wagas ket makatulong tapno masolusionan ti mapaspasamak a nairot a trapiko kadagiti kadakamat nga intersection iti paset ti centro ditoy siudad.
Malaksid iti daytoy, adda pay ti nayon a maikabil a solar street lights iti Gen. Segundo Ave.
Kunana a manamnama a sumangpet dagitoy iti aniaman nga oras gapu ta nalpasen ti pannaka-bif dagitoy iti Department of Public Works and Highways (DPWH) Regional Office.
