LAOAG CITY – Inpakammo ni Mrs. Loelyn Acain, mangidaulo ti City Treasurer’s Office ditoy siudad ti Laoag, a karaman iti Service Recognition Incentive (SRI) a maipaay kadagiti empleado iti Laoag City Hall.
Segun kenkuana, daytoy dagiti maysa a namnamaen dagiti empleado ti City Hall a benepisio inton Disiembre.
Inlawlawag na a sakbay a maipaay kadagiti empleado ti nadakamat na insentibo ket kasapulan iti legal basis manipud iti Malacañang.
Malaksid iti daytoy, kunana nga adda pay ti performance-based bonus (PBB) a maipaay kadagiti empleado.
Kunana a kwalipikado iti lokal a gobierno ti Laoag iti performance-based bonus (PBB) ngem kasapulan laeng iti memorandum circular nga aggapu ken ni Presidente Ferdinand Marcos Jr. ken ti Department of Interior and Local Government (DILG).
Innayon na pay a dagitoy ti iyur-uray da a pagalagadan manipud iti gobierno national tapno naan-anay a maited dagiti bunoses dagiti empleado iti Laoag City Hall.










