LAOAG CITY – Natay ti nakamotorsiklo a lalaki kalpasan a nadisgrasya iti Brgy. 39 Pasiocan iti ili ti Bacarra.
Ti biktima ket agtawen ti 28, awanan asawa ken residente iti ili ti Bacarra.
Basar iti imbestigasion ti Bacarra Municipal Police Station, naamoan a napaspas ti taray ti motorsiklo ken naawanan ti kontrol iti manibela ti driver a nangitunda ti pannakaidungpar na iti maysa a poste ti solar light.
Naitaray ti biktima iti Gov. Roque B. Ablan Memorial Hospital ditoy siudad ti Laoag ngem naideklrar a dead on arrival gapu iti nakaro a sinagabana a sugat iti ulona.
Naammoan nga adda iti impluwensia ti nasanger ti biktima idi napasamak ti insidente.












