Nasugatan ti driver ti motorsiklo kalpasan a nadisgrasya iti Provincial Road a bisinidad ti Brgy. Libtong iti ili ti Bacarra.
Ti biktima ket agtawen 30, awanan asawa, ken residente iti ili ti Vintar.
Basar iti imbestigasyon ti Philippine National Police, kabayatan ti panagpapa-abagatan ti biktima ket ditoy a nadalapos na ti nabunton a darat iti matartarimaan a paset ti kalsada a nangitunda ti pannakatulidna ken nagsagaba ti sugat iti ulo na.
Naitaray ti driver ti motorsiklo iti Governor Roque Ablan Sr Memorial Hospital ditoy siudad ti Laoag para iti naan-anay a pannakataming na.
Rumrumuar a napardas ti panagpataray ti biktima, awan ti suot na nga helmet ken addaan ti impluwensya ti nasanger.
