Nagpanawagan manen ti Commission on Elections (Comelec) a saan da nga awaten iti voter registration ti barangay certificate of residency ken cedula.
Inbatad ni Comelec Chair George Erwin Garcia, nga adda dagiti naawat na nga impormasyon nga adda ti sumagmamano a barangay officials ti mangipapaay ti kadagiti certificates kadagiti indibidwal uray saan da met a residente iti lugar da.
Binalakadan na met dagiti pakaipatpatungpalan ti voter reigistration nga agusar ti valid identification kas ti pasaporte, police clearance, National ID, postal ID, driver’s license ken ti National Bureau of Investigation clearance.
Awaten pay ti Comelec dagiti library card, student ID ken senior citizen’s ID a makita dagiti nagan dagiti aplikante, ladawan ken address.
