Kiniddaw ti Department of Public Works and Highways 1st Engineering district iti Sanguniang Panlalawigan a mangaramid da ti surat a maipatulod iti Regional Office da.
Daytoy ket tapno isu ti pangidanunan ti maipanggep ti dalan iti Mc arthur highway wennu iti agturong iti ili ti Bacarra.
Inaramid daytoy ti nasao nga ahensya kalpasan a naobserbaran ni Board member RJ Fariñas nga adda ti gaps ti kalsada gapu ta natarimaan ti akun-uneg a linya ngem saan a nagaraw ti shoulder lane.
Sinaludsod pay ni Fariñas no adda pay ti plano ti DPWH a tarimaanen ti paset ti kalsada gapu ta dagiti inkabil da iti kallabes a darat ken babassit a bato ket naikkat metlaeng kalpasan a nagtudo.
Inpaganetget ni Fariñas a no saan a matarimaan dagiti awang ti kalsada ket mabalin a mangitunda ti disgrasya para kadagiti motorista.
