LAOAG CITY – Inpetteng ti Malacañang ti saan a pannakibiang ni Presidente Ferdinand Marcos Jr. iti trabaho ti Kongreso kabayatan a nasaludsod no nakasaritanan ti liderato ti Kamara mainaig iti General Appropriations Bill.
Inpetteng ni Palace Press Officer Claire Castro a saan a mandato ti Presidente ti makibiang iti trabaho ken desision ti Kamara ken ti Senado, no sadinno nagpanawagan daytoy a saan koma nga agiwaras ti palso a damag nga adda ti anomalia iti budget.
Nupay kasta, kinunana nakasaga ti Malacañang kadagiti tagabantay ti budget gaputa kasapulan ida ti gobierno.
