Agtultuloy ti koordinasyon ti gobierno lokal ditoy ciudad ti Laoag ken ti Department of Science and Technology tapno maplano a naimbag dagiti nagduduma a programa a maiyimplementar ditoy siudad.
Segun kenni Mayor James Bryan Alcid ditoy ciudad ti Laoag, bimmisita iti kallabes ti Department of Science and Technology ditoy siudad no sadinno a kangrunaan a napan da binisita ket iti dump site ken Pyrolysis Machine.
Inpakaammo na a plano ti DOST ti mangestablisar pay iti Pyrolysis Machine kadagiti nagduduma a probinsia ken munisipalisad iti rehion uno.
Malaksid iti daytoy, kuna ni Alcid nga adda pay iti napagsasaritaan dagitoy maipanggep iti waste to energy babaen iti biomass.
Innayo na a mangipatungpal danto iti panagsukisok tapno maamoan no kasano a maiyemplementar ditoy siudad.
Babaen ti pyrolysis ket adda al-alisto ti pannakatratar dagiti basura ken naur-urnos pay ti sanitary landfill.
