Pimmusay ti maysa a menor-de-edad kalpasan a na-overshoot iti kurbaan ti kalsada ken naidungpar iti maysa a poste iti Pinili-Nueva Era Road iti bisinidad ti Brgy. Valbuena, iti ili ti Pinili.
Ti driver motorsiklo ket maysa a lalaki, agtawen ti 16 ken residente ti Brgy. Sto. Tomas iti nadakamat nga ili. Kabayatan a ti pasaherona ket maysa nga agatawen ti 20 a lalaki ken residente ti Brgy. Pugaoan iti met laeng nasao nga ili.
Basar iti imbestigasion, dumaldalyasat dagiti masekan iti nadakamat a kalsada ken agturturong ti westbound a direksyon idinto a kellaat a na-overshootda iti pagkurbaan a nangitunda ti pannakaidungparda iti maysa a konkreto a poste.
Gapu iti napigsa pannakadungparda, naipurwak dagiti dua a nakalubbon iti motorsiklo ken naitama iti gallon ti danum nga adda iti igid ti kalsada.
Kabayatanna, nataray dagiti dua a maseknan iti kaasitgan nga opistal ngem naideklarar a ‘dead on arrival’ ti menor-de-edad a driver ti motorsiklo.
Naamoan nga aggapu ti dua a biktima iti maysa a drinking session sakbay ti aksidente.
