Nagun-od ti China ti maysa a titulo iti Guiness World Records kalpasan a nag-perform ti synchronized dance routine ti 110 humanoid robots iti Jinan, Shandong Province.
Basar kadagiti report, naisayangkat ti performance idi Oktubre 24 iti Yellow River International Convention and Exhibition Center. Nabigbig dagiti robots kas full-size Expedition A3 models a nagsala iti formation, naglagto ken nangisayangkat ti agpapada a tignay kabayatan a nagsisinnukat dagitoy ti posision.
Dagiti robot ket na-develop ti Chinese robotics company nga “AGIBOT,” ken nangipakita ti organisado a tignay iti maysa a large-scale public performance.
Naitampok iti event ti effort ti China iti advance humanoid robotics ken mapalawa ti commercial deployment ti robots iti nagduduma nga industria.
Idi Agosto, nakagun-od ti nadakamat a kompania ti 46 a medalia, pakairamanan ti 18 a balitok iti maikadua a World Humanoid Robot Games, no sadinno nakikompetision iti athletics, manipulation, hotel services, ken emegerncy response.
