LAOAG CITY – Binigbig ti Guinness World Records ni Gary Duschl ti United States of Amerika kas record holder a nakaaramid ti kaatiddugan a gum wrapper chain.
Rinugian ni Gary ti panagaramid ti gum wrapper chain-na manipud pay laeng idi tawen 1965 ken maipagarup 600,000 a nagsuputanna ti chewing gum ti nausarnan.
Segun kenkuana, maysa daytoy a trend idi 60s no sadinno ket intultuloyna daytoy agingga itatta.
Ti nadakamat a nabayagnan nga inaramid a wrapper chain ket nakalemmeng iti espesial a pagyanan iti uneg ti pagtaenganda tapno maprotektaran daytoy ken tapno saan daytoy nga agsisina.
Innayonna pay a dagiti sumagmamano a nausarna a nagsuputan ket naipidotna laeng dagitoy ken iso ti inaramatna a pinagbalin a chain.
