LAOAG CITY – Binabalaw ti Commission on Audit (COA) ti P10.77 bilyon nga uncollected financial obligations nga adda pakainaiganna iti 37 a terminated solar energy contracts ti kompania ni Batangas Representative Leandro Leviste a mapabpabasol iti 96% ti total defaults.
Iti obserbasion ti Department of Energy (DOE), inbatad ti Commission on Audit (COA) a ti gobierno ket addaan peggad iti non-collection kageddan ti nalawa a pannaka-kanselar kadagiti Solar Energy Operating Contracts (SEOCs).
Kinunada a ti P10.77 bilyon a financial obligations manipud iti 37 a nakanselar a solar agreements, ket P10.38 bilyon kadagitoy ti direkta nga utang dagiti kompania iti Leviste-led Solar Philippines umbrella.
Pakairamanang kadagitoy dagiti saan pay a naileppas a work commitments, training commitments, development assistance fees, ken heacy contractual penalties.
Mainaig iti daytoy, inpaulogen ti Department of Energy (DOE) ti isyu iti Office of the Solicitor General (OSG) tapno mangiwayat ti legal recovery actions kontra iti Solar Philippines.
