Pormal nga inawat ti Singapore ti panangidaulo iti Association of Southeast Asian Nations (ASEAN) para iti 2027 iti closing ceremony ti ASEAN Summit and Related Summits 2026.

Iti panagbitla na, binigbig ni Singapore Prime Minister Lawrence Wong ti Pilipinas, iti babaen ti panangidaulo ni Presidente Ferdinand Marcos Jr., iti naballigi a panagakem na kas ASEAN Chair ita a tawen.

Inpaganetget na a ti tema a Deeper Integration ken Wider Partnership ket gagem na a papigsaen ti integrasion ken panagtitinnulong dagiti pagilian a kameng ti ASEAN ken dadduma pay a pangsangalubongan a kabinnulig tapno malapawa ti oportunidad, mapagtalinaed ti kinakappia ken natibker a rehion.