Inkalintegan ni Philippine National Police (PNP) chief Gen. Jose Melencio Nartatez Jr. ti nagbalin nga addang ti nailian a pulisya kontra kadagiti demonstrador a nanggandat nga umasideg kadagiti lugar a pakaisaysayangkatan ti 49th ASEAN Summit.

Iti rakurak ni Nartatez, inpetteng na a naming-adon a daras a pinalagipan da dagiti demonstrdor nga iyuswat da dagiti aktibidad da iti usto a lugar ken panawen.

Inpaganetget ni Nartatez a saan nga ugali dagiti Pilipino ti mangbastos ken ikabil iti alanganin ti seguridad dagiti bisita.

Segun iti PNP chief, namin-ado a daras a nakisarita ken nagpalagip dagiti pulis sakbay a naipatungpal ti linteg kontra kadagiti demonstrador a maipagarop a nanggandat a lumusot kadagiti police barricades.

Inrakurak na a bigbigbigen ti PNP ti karbengan ti naurnus a protesta ngem saan da nga ipalubos a maikabil iti risgo dagiti lider ken delegado a nagatendar iti ASEAN Summit.

Inpasingked met ni Nartatez nga agtultuloy a mangipatungpal ti maximum tolerance dagitia pulis kabayatan ti panagbantay da iti nabatbati nga aktibidad ti ASEAN Summit.

Nagballaag ni Nartatez a pagsungbaten na ti siasinno man a pulis a mapaneknekan a naglabsing iti naikeddeng a pagannurutan ti Philippine National Police.