LAOAG CITY – Nagkiddaw ti Philippine National Police (PNP) iti publiko iti naurnos ken organisado a panangiwayat ti tignay-protesta para iti 49th Association of Southeast Asian Nations (ASEAN) Summit and Related Summits iti Pasay City.
Basar iti ahensia, respetarenda ti karebbengan dagiti umili a mangipakaammo, ngem iti baet daytoy, nakasagana da babaen ti heightened security arrangements kadagiti lugar a pakaisayangkatan ti event.
Mainaig iti daytoy, ginutigot ti pulis dagiti mangiwayat ti tignay-protesta nga usaren ti “freedom parks,” nakaipalaon pay iti Public Assembly Act of 1985 a kasapolan ti permit tapno mangisayangkat ti panagtitipon.
Imbilin ni Nartatez dagiti pulis a pagtalinaeden a professional, courteous, ken naurnos a panagsungbat kadagiti agprotesta.
Kabayatanna, ginutigot pay ti Philippine National Police (PNP) dagiti organizer a makikoordinar iti lokal a gobierno ken dagiti otoridad sakbay a mangisayangkatda ti aktibidad.
