LAOAG CITY – Nasuspenso ti voter registration iti Metro Manila manipud Nobiembre 16 agingga 18 mainaig ti pannakaisayangkat ti ASEAN Summit.
Segun iti Commission on Elections (Comelec), mangipatungpal ti work-from-home arrangement dagiti pagopisinaan da iti National Capital Region iti nasao nga aldaw.
Pakairamanan iti temporario a pannakasuspenso ti serbisio ti Comelec Main Office iti Intramuros, Manila, dagiti regional office iti NCR ken MIMAROPA, ken ti amin nga Office of the Election Officer iti Metro Manila.
Malaksid iti voter registration, temporario a saan a makaala ti voter certification ti publiko kadagiti nasao nga ahensia.
Agtultuloy met nga agawat ti aplikasion dagiti opisina ti Comelec iti ruar ti Metro Manila.
