LAOAG CITY – Inlawlawag ti Bureau of Immigrations (BI) ti rason ken ti pakausaran ti special Association of Southeast Asian Nations (ASEAN) lanes kadagiti airport.
Segun iti pannakangiwat ti Bureau of Immigrations (BI) a ni Anisha Hadji Hassan, a dagiti nasao nga special lanes ket mabalin pay nga usarenen para iti pannakaipaalisto ti panagbiahe dagiti pasahero.
Innayonna pay a malaksid kadagiti pasahero, makaited pay daytoy ti naannayas a proseso kadagiti delegado para iti ASEAN Summit.
Kalikagum dagiti nasao a lane ti saan a pannakaistorbo dagiti regular a pasaheros kabayatan ti ASEAN Summit.
Daytoy ket gapu iti manamnama a panagsangpet dagiti pasaheros kabayatan ti umadani nga ASEAN Summit a maisayangkat intono bigat, Nobiembre 15 agingga 17.
