Nagun-od ti maysa a British runner ti Guinness World Record para iti “fastest time to complete a puzzle cube mile”.
Daytoy ket kalpasan a kinabaelan na a solbaren ti uppat a Rubik’s cubes kabayatan ti panagtaray na iti maysa a milya iti uneg laeng ti lima a minuto ken 9.25 seconds.
Inpatungpal ni George Scholey ti record attempt na idi Oktubre 12 ita a tawen.
Immunan a nagun-od ni Scholey ti sumagmamano a titulo a pakairamanan ti most rotating puzzle cubes solved on a skateboard, 500; most rotating puzzle cubes solved in 24 hours, 6,931; ken ti most rotating puzzle cubes solved while running a marathon, 520.
