Nakoronaan ti maysa a babai iti Britanya a nagserbi a “town crier” sipud idi 1987 kas karinggoran a babai iti lubong kalpasan a nagpukkaw iti kapigsa a 105.9 decibels.
Inpatungpal ni Brenda Willison ti official attempt na idi Setyembre 9 no sadinno nga inpukkaw na ti “oyez” nga addaan ti kapigsa a 105.9 decibels, ken isu ti nakagun-odan na ti Guinness World Records para iti titulo a “loudest town crier (female)” ken ti loudest shout by an individual (female).
Ti sarita nga “Oyez,” ket masansan nga us-usaren dagiti town criers, a kayatna a sawen ket “hear ye” ken ti daytoy ket manipod iti Anglo-Norman or Old French.
Inbatad ni Willison a saanna a ninamnama a maikawes kenkuana ti nasao a titulo ngem kunana a dakkel a pakaidawayan na daytoy.
