LAOAG CITY – Kontraen ti legal team ni dati a presidente Rodrigo Duterte ti mosion ti prosekusion nga itipon kas ebidensia iti International Criminal Court (ICC) ti dua a kanayonan nga expert reports.
Iti dokumento a naipila idi Oktubre 30, nagkiddaw ti depensa iti Trial Chamber III a saan da nga awaten ti kiddaw ti prosekusion nga awaten kas ebidensia dagiti kanayonan a materyales ti nadamakat a testigo a ni P-1400 iti rakurak-na.
Segun iti depensa nga idadauloan ti British barrister a ni Peter Haynes, ti dua a pannakatingiting ket inaramid dagiti dua a propesional a saan a karaman iti listaan dagiti testigo ti prosekusion ken agserbi laeng kas kanayonan a materyales iti bukod a rakurak ni P – 1400.
Impetteng pay dagiti abogado a saan nga umdas a nausar wenno nailawlawag ti testigo ti dua a pannakatingiting isut gapo na a saan a napateg kas paset dagiti ebidensia a nakaipila iti korte.
Impanagetget ti depensa a kasapulan a tingitingen ti korte ti tunggal kanayonan a material tapno maamoan ti pakainaigan ken kinapateg daytoy kas ebidensia.
