Naikeddeng a bumisita ti pagilian ti Hollywood icon a ni Angelina Jolie kas maysa kadagiti ‘speaker’ iti maisayangkat a 2026 ASEAN Inclusive Growth Summit inton Nobiembre 11.
Agbalin a paset ti Academy Award-winning actress kadagiti tampok nga speaker iti nadakamat a panagtitipon nga atendaran dagiti mangibagbagi manipud iti nagduduma a sektor tapno trataren ti ekonomia iti Southeast Asia.
Nabigbig ni Jolie ti Humanitarian Advocacy aglalo ti kampaniana para iti proteksion ti babbai ken agtutubo, pakairamanan pay ti adbokasia para kadagiti refugees.
Idi 2001 agingga 2012, nagserbi pay ti Hollywood actress kas Goodwill Ambassador para iti United Nations High Commissioner for Refugees (UNHCR) sakbay a nadutokan kas Special Envoy.
Karaman pay ni Jolie ti sumagmamano a nalatak a personalidad kas pannakangiwat iti nadakamat a summit no sadinno makaduana ni Tony-award winning theater actress a ni Lea Salonga, Rajo Laurel, Kylie Verzosa ken ti sekretario ti Department of Trade and Industry a ni Cristina Roque.
