Inlawlawag ti Philippine National Police (PNP) nga awan pay ti na-monitor-da nga aniaman a seryoso a pangta iti segurodad mainaig iti maisayangkat a 2026 ASEAN Summit iti pagilian inton sumaruno a lawas.
Segun ken ni Philippine National Police (PNP) Chief Police General Jose Melencio Nartatez Jr. nga agpapan ita ket nababa a lebel a pangta ti matuktukodanda ken tingtingitingen iti agdama.
Nupay kasta, inpetteng ti Philippine National Police (PNP) a saan da nga agpapakampante kabayatan ti napintas a kasasaad aglalo ta manamnama ti panagsangpet ti nagduduma a lider manipud kadagiti pagilian a kameng ti ASEAN.
Tapno masigurado ti kinaurnos, nainget a nakikoordinar ti Philippine National Police (PNP) kadagiti lokal a gobierno ken dadduma pay nga ahensia ti gobierno no sadinno naikeddeng a pakaisayangkatan dagiti opisial nga aktibidad.
Numan pay saan pay naipangato ti alert status, inpasigurado ti kapulisan a nakasagana da a pagtignayen ti pakabuklan a puersa tapno maipaay ti naiget ken mapagtalkan a seguridad ti nadakamat nga international a panagtitipon.
