Inbatad ni Ms. Rachel Semana iti ciudad ti Batac a narigat ti aglako ti sabsabong ita nga Undas 2026 gapu ta awan unay dagiti aggatang.
Kuna na a ti obserbasyon da ket ad-addan a ti paggatangan dagiti dadduma ket iti online.
Malaksid kadagitoy ket patien pay ni Semana a ti rasonno apay nga unayen ti aggatang ti presko a sabsabong ita nga undas ket gapu iti kinarigat ti panagbiag.
Inlawlawag na nga iti napalabas a tawen ket ado dagiti ginatang da a sabsabong ken arigna nalako da amin dagitoy.
Nupay kasta, ita a tawen ket bassit laeng ti inangkat da a lakoda ngem ado pay ti saan da a nalako agpapan ita a gundaway.
Kabayatanna, inbatad ni Mrs. Angeline Catriz iti ciudad ti Batac, a naobserbaran na a narigrigat ti aglako kadagiti kakanin ita nga Undas no ikompara kadagiti naglabas a tawen.
Kuna na a ti patienna a rason ket gapu ta adda ti nagngatoan ti presyo dagiti tagilako da.
Innayon na nga ita a tawen ket basbassit laeng ti inangkat da a lakoda ngem marigatan da pay a mangipaibus no ikompara iti napalabas a tawen nga ad-ado nga amang dagiti inlako da.
