Binisita ni Presidente Ferdinand Marcos Jr. ti tanem ti amana a ni dati a Presidente Ferdinand Marcos Sr. iti Libingan ng mga Bayani iti siudad ti Taguig ita nga Undas.
Kadua ti Presidente ti inana a ni dati a First Lady Imelda Marcos ken ti kabsatna a ni Irene Marcos iti pananglagip iti pimmusay nga ama.
Inbatad ni Marcos a numan pay awanen dagiti ipatpategda iti biag, agtalinaed dagiti lagip ken adal nga inbati dagitoy.
Innalukoyna pay ti publiko a bigbigen dagiti pimmusay, saan laeng iti bababen ti panagkararag no diket iti panangtaripato kadagiti ay-ayaten iti biag a kadua pay iti lubong.
Malaksid iti amana, nangipatulod pay ni Marcos ti sabsabong iti tanem da dati a Presidente Corazon “Cory” Aquino, dati a Presidente Benigno “Noynoy” Aquino III ken dati a Senador Benigno “Ninoy” Aquino Jr. iti Manila Memorial Park iti suidad ti Parañaque.
Kabayatanna, nagturong met iti Manila Memorial Park dagiti sumagmamano a supporters ti pamilia Aquino tapno mangipaay ti panagrespeto kadagiti pimmusay a miembro ti pamilia ita nga Undas.
