LAOAG CITY – Inbatad ni Brgy. Chairman Manny Morales iti Barangay 1 ditoy siudad ti Laoag a kabayatan ti panag-monitor ken panagbantay dagiti kameng ti Philippine National Police ken dagiti barangay tanod iti lugarda idi kalman ket adda laeng nai-report a naiserrek a badang iti bigat ngem insigida daytoy a naibati iti booth-da.
Inpakaammo na sakbay ti panagselebrar ti Undas, adda dagiti problema a napasaranda kas dagiti insidente ti panagtakaw dagiti bombilya a naikabil iti General Services Office wenno GSO iti kamposanto.
Gapu iti daytoy, sinukatan ken pinaigetan ti pannakaikabil dagiti bombilya babaen ti tulong ti Ilocos Norte Electric Cooperative (INEC) no sadinno systematic ken adda postena dagiti silaw ngem adda latta ti nakita nga agtutubo a nanggundaway a mangala kadagiti baro a bombilya isu nga inkagumaan da ti nagbantay ken nagsursur kadagiti kamposanto.
