LAOAG CITY – Nakabantay ti Philippine Ports Authority (PPA) ken ti Philippine Coast Guard (PCG) iti posible a pananggundaway dagiti fixer kadagiti rinibu a pasahero ita nga Undas.
Segun ken ni Philippine Ports Authority (PPA) spokesperson Eunice Samonte, manarimaan ti panangimbestigar ti Philippine Coast Guard (PCG) iti insidente ti fixing nga immunan a napasamak iti Batangas Port, no sadinno a sumangsango dagiti karaman a paersonalidad iti nagsusukot a kaso.
Mainaig iti daytoy, naamoan a nagpammarang dagitoy nga agilaklako ti agpayso ken nalaka a ticket kadagiti pasahero nga agawid iti probinsia.
Aglaklako dagitoy dagiti nalaka a ticket ngem apaman ti panangannugot a gumatang dagiti pasaheros ket ditoyen nga ipanginadan dagiti ilaklakoda a ticket.
Iti agdama, segun ken ni Samonte, awan pay ti naipadanon kadakuada a reklamo mainaig kadagiti kakastoy nga insidente.
Kabayatanna, namnamaen ti Philippine Ports Authority (PPA) nga umabot iti 1.93 million a pasaheros wenno nasursurok pay ti agturong kadagiti pantalan tapno bumiahe.
Innayonna a mabalin pay daytoy a manayunan wenno makissayan ngem inpasiguradona ti kinasagana ti pantalan kadagiti agsangpet a biahero manipud iti panagrugi ti Undas agingga iti panagsublida iti Metro Manila.
