LAOAG CITY – Kiniddaw ni PLt Col. Benedict Parado ti Deputy Provincial Director for administration ti Ilocos Norte Police Provincial Office dagiti vlogers wenno content creators a respetardenda dagiti pimmusay intono undas 2026.
Segun kenkuana, dagiti content creators nga addaan ti planona a mangi-video ken mangi-post kas social media content ti panag-prank a mangan kadagiti nakaiyatang ket no mabalbalin ket liklikanda daytoy nga aramid.
Inbatadna a kas panangrespetar iti tradision dagiti bumisita kadagiti pimmusay a kameng ti pamiliada a mangitugkel dagiti kandila ken pannagiyatang ket saanen koma nga aramiden daytoy dagiti vloggers kas pagkakatawaan.
Kinunana a no kalikagumda ti mangan iti kampo santo, nasaysayaat laengen a makipangandan kadagiti tattao nga adda ti intugotna a makan ta kinunana a saan met a naimot dagiti Ilokano.
