Ad-adalen ti Bureau of Internal Revenue (BIR) ti pannakaipalawa ti One-Time Abatement Program na tapno mairaman dagiti small taxpayers kalpasan a nakairekord ti 3,929 beneficiaries ken P266.79 million nga abated taxes ken penalties agingga idi Oktubre 24, 2026.
Segun ken ni BIR Commissioner Charlito Martin R. Mendoza, ipakpakita ti nangato a lebel ti availment iti napalabas nga uppat a bolan a dakkel a tulong ti targeted tax relief tapno matulungan dagiti negosyante a maurnus ti oblikagasyo da ken maiserra dagiti nabayagen nga open cases.
Iti babaen ti mailunglungalong a programa, plano ti ahensya nga iraman iti tax relief dagiti small taxpayers nga addaan ti annual gross sales a P3 milyon agingga iti nababbaba ngem P20 milyon, manipod iti agdama a sakopen ti micro taxpayers nga addaan ti gross sales a nababbaba ngem P3 milyon.
Iti agdama a programa a silulukat agingga intono Disyembre 31, 2026, dagiti kwalipikado a micro taxpayers nga adda kadagiti nakapenpen a buwis wenno penalty a saan a nalablabes ngem P80,000 iti kada tawen ket mabalinen nga agaplikar iti babaen laeng ti panagbayad ti P5,000 abatement fee.
