Inbatad ti aktres a ni Ashley Ortega a sumaysayaaten ti relasyon da ti ina kalpasan ti tallo a tawen nga adda ti saanda a panagkinnaawatan.
Inlawlawag na a namonganay ti susik iti nagbaetan da iti ina n kalpasan ti bigla lattan a pannakilasin na iti pamilya na tapno agbiag nga independent wenno agmaymaysa.
Inadmitir ti aktres a nasaktan unay ti ina na iti ipapanaw na iti balayda, a nangitunda ti saan a napintas a relasyon da.
Nupay kasta, kuna ti aktres a kayatna a pagtalinaeden a pribado ti proseso iti pannakaurnus ti relasyon da iti ina na.
Maipalagip a sakbay a na-evict iti Bahay ni Kuya, nakaawat ni Ashley ti surat mainaig iti in-inoten a pannaurnus ti relasyon da iti ina na, no sadinno a kas sungbatna ket pinatuludan na met daytoy ti sabsabong.
