Naabak ni Serbian President Aleksandar Vučić iti snap parliamentary elections kalpasan a nangabak ti student-led movement a napartuat kas sungbat iti maysa a names a trahedia iti istasion ti tren.
Basar iti umuna a resulta, nakagun-od ti nasao a grupo ti 52.6 a porsiento ti botos, katukad ti 2.24 milyon a botos, idinto a nakaala met ti 39.2 a porsiento wenno 1.67 milyon a boto ti Serbian Progressive Party nga idadauloan ni Vučić.
Mainaig iti daytoy, pimmigsa ti suporta ti grupo kalpasan a nagtupak ti maysa a canopy iti istasion ti tren iti Novi Sad a nakatayan ti 16 nga indibidual. Gapu iti insidente, nangitunda daytoy ti nalawa a tignay-protesta iti maipagarup a korapsion ken pannakaliway.
Nangiwayat met ti selebrasion dagiti residente iti Belgrade, Novi Sad, ken dadduma pay a siudad kalpasan ti pannaka-anunsio ti resulta.
