Inadmitir ti TV host a ni Robi Domingo a nakapagkapia dan iti aktor a ni John Lloyd Cruz kalpasan ti saanda a panagkinnaawatan idi Disyembre 2025.
Iti live guest appearance ni Robi iti programa a Fast Talk With Boy Abunda, sinaludsud ni Boy Abunda maipanggep ti pannakaurnusen ti susik iti nagbaetan da ken ni John Lloyd.
Segun ken ni Robi, saan a naplano ti panagkapia da iti actor no di ket napasamak lattan.
Saanen a nangipaay ni Robi ti nayun a detalye maipanggep iti panagkapia da iti actor.
Nadakamat na laeng a maaprisyar na ni John Lloyd gapu ta immasideg iti nagduduma a managers iti Star Magic tapno maurnus ti aniaman a saanda a nagkinnaawatan iti kallabes.
