Nangiparuk-at ti Department of Labor and Employment (DOLE) ti baro a pagannurutan tapno maprotehiran dagiti mangmangged kontra iti nakaro a kibara ti panawen a gubuay ti El Niño.
Iti Labor Advisory No. 20, Series of 2026 a pinirmaan ni Secretary Francis Tolentino idi kalman, Oktubre 27, nabilin ti amin a pribado nga employer a mangiyuswat ti Hazard Identification, Risk Assessment, and Control (HIRAC) mainaig ti heat stress, ken iraman daytoy iti Occupational Safety and Health (OSH) Programs ken emergency plans.
Kasapulan pay a monitoren dagiti employer ti El Niño advisories ken heat index forecast ti state weather bureau, ken siguradwen a nadalos ti pasilidad, sibubukel nga SSS coverage, ken listaan dagiti sakit nga adda ti pakainaigan iti nabara a panawent.
Basar iti Department of Labor and Employment, maiyataday daytoy iti direktiba ni Presidente Ferdinand Marcos Jr. a salwadan ti salun-at ken kinatalged dagiti mangmangged iti baet ti Super El Niño.
