Umaboten iti agarop 16-bilyon a pisos ti nakolektar a taripa ti bagas manipod idi Enero agingga iti Setyembre ita a tawen.
Iti datos ti Bureau of Customs, ngimmato ti koleksyon iti 2.75 a bilyon a pisos manipod iti P13.2 bilyon a pisos a nairekord iti kapada a panawen idi 2025.
Basar pay iti datos ti ahensya, ti kaado ti naangkat a bagas iti siyam a bolan ket immabot iti agarop 4.2 milyon a metriko tonelada.
Immunan nga inbatad ti Department of Agriculture (DA) a ti panagangkat ti bagas ita a tawen ket saan a masuspenso tapno masigurado nga adda ti umdas a supply ti bagas iti baet ti pangta ti El Niño iti pagilian.
