Nakastreken iti Philippine Area of Responsibility (PAR) ti Super Typhoon Champi iti oras ti alas-10:40 ita a bigat ken naikkan ti local name a “Rosal.”
Naudi a nakita ti mata ti bagyo iti kaadayo a 1,385 kilometro abagatan ti Central Luzon kabayatan nga aggargaraw daytoy iti laud amianan a laud iti kapardas a 25 kilometro iti kada oras.
Addaan daytoy ti kapigsa ti angin a 185 kilometro iti kada oras asideg iti tengnga na pasaray pumigsa agingga iti 230 kilometro ti kada kada oras.
Iti agdama, nakabayugen ti Wind Signal No. 1 iti Batanes, abagatan ti Babuyan Islands (Babuyan Is., Camiguin Is., Didicas Is.), abagatan a paset ti mainland Cagayan (Santa Ana, Gonzaga, Lal-Lo, Santa Teresita, Camalaniugan, Aparri, Buguey, Gattaran, Baggao, Peñablanca), abagatan a laud ti Isabela (Maconacon, Divilacan, Palanan, San Pablo, Cabagan, Santa Maria, Tumauini, Ilagan City), ken abagatan a daya ti Catanduanes (Pandan, Bagamanoc, Panganiban, Viga, Gigmoto).
