Binalakadan ni Mayor James Bryan Alcid dagiti empleado ditoy siudad ti Laoag nga agan-annad ken kitaen a nasayaat ti salun-at da gapu iti mapaspasaran a kinabara ti panawen ken ti El Niño.
Segun kenkuana, arigna ket panawen ti kalgaw ti mapaspasaran a temperatura gapu iti kinabara ti aglawlaw .
Inbatadna a kaadoan kadagiti empleado ti City Hall ket agtrabtrabaho ti ruar no sadinno nga isuda ti makapaspasar ti nakaro a pudot isut gapu na a napateg ti panagkita da iti salun-at da.
Mainaig iti daytoy, nagyamanan ni Mayor Alcid ti naiget a panagtrabaho dagiti empleado iti baet ti mapaspasaran da ken kunana a narigaten no adda ti madi a mapasamak kadakuada gapu iti kinabara ti panawen.
Innayonna nga agtultuloy ti panangkita ti lokal a gobierno ditoy siudad kadagiti addang tapno maiyadayo ti peggad ken maliklikan ti aniaman a saan a nasayaat kadagiti umili kontra iti pangta ti Super El Niño.
