LAOAG CITY – Pormalen a nilukatan ti lokal a gobierno ditoy siudad ti Laoag ti baro a tourist destination ditoy siudad iti babaen ti panangidadaulo ni Laoag City Mayor James Bryan Alcid ken kadagiti sumagmamano a kameng iti Sanguniang Panlungsod ken iti Sanguniang Panlalawigan ditoy probinsia ti Ilocos Norte.
Kinuna ni Laoag City Mayor James Bryan Alcid a namunganay ti pannakabukel ti ideya ti Love Lock Bridge iti maysa nga aldaw, no sadinno a kabayatan ti panagpasiarna kaduana ti asawana ket ditoy a napanunutonda nga agaramid ti Love Lock Bridge.
Ibatadna a ti nasao a Love Lock Bridge ket para kadagti aginnayan-ayat a mabalinda a mangikabil ti bukodda a kandado nga arigna agserbi kas simbolo ti natibker a panagkadkaduada iti tungpal biag a saanen a mapagsina kas maiyarig iti dua a kandado.
Kabayatanna, segun iti City Government iti siudad ti Laoag a 200 laeng nga indibidual ti mapalubosan a makapaggegeddan a sumrek iti nasao a lugar gapu iti kinadaan ti imprastraktura.
