LAOAG CITY – Inpakaammo ni Laoag City Mayor James Bryan Alcid ti panag-solocit-da kadagiti natultulunganda nga establisimiento tapno adda ti maipaay para kadagiti empleado iti lokal a gobierno ditoy siudad ti Laoag para iti mapaspasangasangan a paskua.
Segun kenkuana, kitaenna no ada ti bonus a maipaay kadakuada ngem kinunana nga adda ti mandar ti national government a saan unay a nagarbo ti selebrasion ti Christmas party kadagiti ahensia ti gobierno.
Mainaig iti daytoy, inbatad ni Alcid a sumapolda kadagiti mabalin nga ag-sponsor a maited para kadagiti empleado ti lokal a gobierno ditoy siudad.
Iti baet daytoy, inpanamnama ni Alcid ti panagbalin a naragsak dagiti empleado ti City hall babaen to kadagiti maipaay kadakuada.
